ന്യൂഡല്‍ഹി: ഗുജറാത്തില്‍ രാഹുല്‍ ഗാന്ധിക്കെതിരായുണ്ടായ ആക്രമണത്തെ അപലപിച്ച് സി.പി.ഐ രംഗത്ത്. കോണ്‍ഗ്രസിന്റെ വൈസ് പ്രസിഡന്റ് എന്ന നിലയില്‍ കൂടുതല്‍ ബഹുമാനം വേണമെന്നും സി.പി.ഐ നേതാവ് ഡി രാജ പറഞ്ഞു.

''എങ്ങനെയാണ് ഇങ്ങനെയൊരു ആക്രമണം നടത്താനാവുന്നത്? ഇത് ജനാധിപത്യമാണോ അതോ ഫാസിസ്റ്റ് സ്വേച്ഛാധിപത്യമോ?''- രാജ ചോദിച്ചു.

ആക്രമണത്തിന് ഉത്തരവാദിത്തം ബി.ജെ.പി സര്‍ക്കാര്‍ ഏറ്റെടുക്കണമെന്നും അദ്ദേഹം പറഞ്ഞു.

ഗുജറാത്തില്‍ വെള്ളപ്പൊക്ക ബാധിത പ്രദേശങ്ങള്‍ സന്ദര്‍ശിക്കാനെത്തിയപ്പോഴാണ് രാഹുല്‍ ഗാന്ധിക്കു നേരെ ആക്രമണമുണ്ടായത്. സിമന്റ് കട്ട എറിയുകയും കരിങ്കൊടി കാണിക്കുകയും ചെയ്തു. കല്ലേറില്‍ കാറിന്റെ ചില്ലും തകര്‍ന്നിരുന്നു.