ആലുവ: ലോക യുവജനദിനാഘോഷത്തിന്റെ ഭാഗമായി രാജീവ്ഗാന്ധി നാഷണല്‍ ഇന്‍സ്റ്റിറ്റ്യൂട്ട് ഓഫ് യൂത്ത് ഡെവലപ്‌മെന്റിന്റെ സഹകരണത്തോടെ നടക്കുന്ന വിവിധ പരിപാടികളുടെ ജില്ലാതല ഉദ്ഘാടനം വെള്ളിയാഴ്ച ആലുവ യു.സി കോളജില്‍ നടക്കും. ജില്ലയിലെ 10 കോളേജുകളില്‍ നിന്നുള്ള വിദ്യാര്‍ഥികള്‍ പങ്കെടുക്കും.
ഉപന്യാസ, പോസ്റ്റര്‍, ക്വിസ്, പ്രധാന മത്സരങ്ങള്‍ നടക്കും. വിദ്യാര്‍ഥികളുടെ സൈക്കിള്‍ റാലി, 12ന് രാവിലെ 9.30 ന് യു.സി. കോളേജിന് ആരംഭിച്ച് കടുങ്ങല്ലൂര്‍ വഴി 11 മണിക്ക് യു.സി.യില്‍ തന്നെ സമാപിക്കും. തുടര്‍ന്ന് നടക്കുന്ന പൊതുസമ്മേളനം ഡോ. സെബാസ്റ്റ്യന്‍ പോള്‍ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ പ്രോഗ്രാം കോര്‍ഡിനേറ്റര്‍മാരായ ഷീം എലിസബത്ത് കോവൂര്‍, എം.ഐ. പുന്നൂസ്, നീലിമ രജ്ഞിത്ത് പങ്കെടുക്കും.