തുറവൂര്‍: വീടിന്റെ അടുക്കള വാതില്‍ തകര്‍ത്ത് അകത്ത് കടന്ന മോഷ്ടാക്കള്‍ കിടപ്പുമുറിയില്‍ സൂക്ഷിച്ചിരുന്ന മൂന്നര പവന്റെ മാല കവര്‍ന്നു. കുത്തിയതോട് ഗ്രാമപഞ്ചായത്ത് ഒന്‍പതാം വാര്‍ഡില്‍ പ്രണവത്തില്‍ പ്രമോദിന്റെ വസതിയിലാണ് മോഷണം നടന്നത്.
കഴിഞ്ഞ ദിവസം പുലര്‍ച്ചെ അഞ്ചിനാണ് വീട്ടുകാര്‍ ഉണര്‍ന്നപ്പോള്‍ വിവരം അറിയുന്നത്. ഇതേ ദിവസം സമീപത്തെ കോങ്കേരില്‍ സെയ്തു മുഹമ്മദ്, പരിപാടിയില്‍ ഗോപി എന്നിവരുടെ വീടുകളിലും മോഷണശ്രമം നടന്നു.
ശബ്ദം കേട്ട് വീട്ടുകാര്‍ ഉണര്‍ന്നപ്പോള്‍ മോഷ്ടാക്കള്‍ ഓടി രക്ഷപ്പെട്ടു. കുത്തിയതോട് പൊലിസ് സ്ഥലത്തെത്തി അന്വേഷണം ആരംഭിച്ചു.