കോട്ടക്കല്‍: ചോലക്കുണ്ടില്‍ വെളിച്ചം പരത്താന്‍ ചോലക്കുണ്ട് ജി.യു.പി സ്‌കൂളിലെ കുട്ടി ടെക്‌നീഷ്യന്മാര്‍.
ഊര്‍ജ സംരക്ഷണ ദിനത്തോടനുബന്ധിച്ച് ഒരു മാസത്തോളമായി അവരുടെ വീടുകളില്‍ നിന്നും അയല്‍പക്കങ്ങളില്‍ നിന്നും ശേഖരിച്ച കേടുവന്ന എല്‍.ഇ.ഡി ബള്‍ബുകള്‍ ഊര്‍ജ്ജ ക്ലബ്ബ് അംഗങ്ങള്‍ റിപ്പയര്‍ ചെയ്തു നന്നാക്കിയെടുക്കുകയും വീടുകളില്‍ ഊര്‍ജ്ജ സംരക്ഷണ ലഘുലേഖ വിതരണവും ബോധവല്‍ക്കരണവും നടത്തി.
ഊര്‍ജ്ജ സംരക്ഷണ ദിനത്തിന്റെ ഭാഗമായി ഇന്ന് പറപ്പൂര്‍ ഗ്രാമ പഞ്ചായത്ത് പ്രസിഡന്റ് പറങ്ങോടത്ത് മുഹമ്മദ് കുട്ടി എല്‍.ഇ.ഡി ബള്‍ബുകള്‍ കുട്ടികള്‍ക്ക് നല്‍കി പദ്ധതി ഉല്‍ഘാടനം ചെയ്തു. ചോലക്കുണ്ട് ഗ്രാമത്തെ ഊര്‍ജ്ജസംരക്ഷണ ഗ്രാമമാക്കാനുള്ള ഒരുക്കത്തിലാണ് വിദ്യാര്‍ത്ഥികള്‍.