കോഴിക്കോട്: പൊതുവിദ്യാഭ്യാസ വകുപ്പ് അറബിക് യൂനിറ്റിന്റെ ആഭിമുഖ്യത്തില്‍ നടത്തുന്ന അന്താരാഷ്ട്ര അറബി ഭാഷാ ദിനാചരണത്തിന്റെ സംസ്ഥാനതല ഉദ്ഘാടനം മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു. അറബിക് സ്‌പെഷല്‍ ഓഫിസര്‍ ഒ. റഹീം അധ്യക്ഷനായി.
അറബി ഭാഷാ സെമിനാര്‍ ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി ഉദ്ഘാടനം ചെയ്തു. ഐ.എം.ഇ.ടി ഷറഫുദ്ദീന്‍ അധ്യക്ഷനായി. ഡോ. ഹുസൈന്‍ മടവൂര്‍, പ്രൊഫ. ഹംസക്കുട്ടി ബാഖവി ആദൃശ്ശേരി, ഡോ. കുഞ്ഞിമുഹമ്മദ് പുലവത്ത് വിഷയാവതരണം നടത്തി. കെ.എ.ടി.എഫ് സംസ്ഥാന ജനറല്‍ സെക്രട്ടറി പി. മൂസക്കുട്ടി, കെ.എ.എം.എ സംസ്ഥാന ട്രഷറര്‍ പി.പി ഫിറോസ്, പാലക്കാട് ഐ.എം.ഇ വി. അബ്ദുറഷീദ്, മലപ്പുറം ഐ.എം.ഇ.പി സഫിയ, കണ്ണൂര്‍ ഐ.എം.ഇ.പി ഹാരിസ്, കോഴിക്കോട് ഐ.എം.ജി.ഇ കെ. സുലൈഖ, മലപ്പുറം ഐ.എം.ജി.ഇ എം ജമീല, പാലക്കാട് ഐ.എം.ജി.ഇ. ടി. ആമിന സംസാരിച്ചു.