മംഗളൂരു: സമൂഹ്യ മാധ്യമങ്ങളില്‍ പ്രകോപനപരമായ സന്ദേശങ്ങള്‍ പോസ്റ്റ് ചെയ്ത യുവാവിനെ മംഗളൂരു പൊലിസ് അറസ്റ്റ് ചെയ്തു. നഗരത്തിലെ പാണ്ഡേശ്വര്‍ നിവാസിയായ മൊയ്ദീന്‍ ഹഫീസാണ് അറസ്റ്റിലായത്.
വാട്‌സ്ആപ്പ്, ഫേസ്ബുക്ക് തുടങ്ങിയ സോഷ്യല്‍ മീഡിയകളിലൂടെ പ്രകോപനപരമായ സന്ദേശങ്ങള്‍ പോസ്റ്റ് ചെയ്ത് പൊലിസിനെ ആക്രമിക്കാനും സംഘര്‍ഷമുണ്ടാക്കാനും മൊയ്ദീന്‍ ഹഫീസ് ശ്രമിച്ചുവെന്ന് സൈബര്‍ സെല്‍ പറയുന്നു. പ്രകോപനപരമായ സന്ദേശങ്ങള്‍ പോസ്റ്റ് ചെയ്ത്ജനങ്ങളെ അക്രമത്തിനു പ്രേരിപ്പിച്ചുവെന്ന കുറ്റത്തിനാണ് അറസ്റ്റ്.