റോം: 1994 ലെ അമേരിക്കന്‍ ലോകകപ്പിന്റെ ഓര്‍മകള്‍ പുതുക്കാന്‍ ഇറ്റലിയും ബ്രസീലും ഏറ്റുമുട്ടുന്നു. 25 വര്‍ഷങ്ങള്‍ക്ക് ശേഷമാണ് ഇറ്റലിയുടേയും ബ്രസീലിന്റെയും വെറ്ററന്‍ താരങ്ങള്‍ ലോകകപ്പിന്റെ ഓര്‍മ പുതുക്കാന്‍ വീണ്ടും മൈതാനത്തേക്ക് ഇറങ്ങുന്നത്. ജനുവരി ഒന്‍പതിനാണ് ഓര്‍മ പുതുക്കല്‍ മത്സരം നടക്കുന്നത്.
1994 ലെ ലോകകപ്പ് ഫൈനല്‍ നിശ്ചിത സമയത്ത് ഗോള്‍ രഹിതസമനിലയില്‍ ആയിരുന്നു. പെനാല്‍റ്റി ഷൂട്ടൗട്ടില്‍ ഇറ്റലിയെ തകര്‍ത്ത് ബ്രസീല്‍ ആണ് അന്ന് ലോകകപ്പ് ഉയര്‍ത്തിയത്. റോബര്‍ട്ടോ ബാജിയോ പെനാല്‍റ്റി പാഴാക്കിയതിനെ തുടര്‍ന്നായിരുന്നു ബ്രസീല്‍ ജയം സ്വന്തമാക്കിയത്.
ദുംഗയും ബരേസിയും അടക്കം അന്നത്തെ ഫൈനലില്‍ കളിച്ച താരങ്ങളില്‍ പലരും ബ്രസീല്‍ -മാസ്റ്റേഴ്‌സ് ഇറ്റാലിയന്‍ മാസ്റ്റേഴ്‌സ് സൗഹൃദ മത്സരത്തില്‍ കളിക്കും. ലോകകപ്പ് ഫൈനലിലെ താരങ്ങള്‍ക്ക് പുറമേ മറ്റ് വെറ്ററന്‍ താരങ്ങളും ഈസൗഹൃദ മത്സരത്തില്‍ പങ്കെടുക്കും.
ടീം:
ബ്രസീല്‍
ടഫാറല്‍, ഗില്‍മര്‍, കഫു, ജോര്‍ജീഞ്ഞോ, മാര്‍സിയോ സാന്റോസ്, അള്‍ഡയര്‍, റിക്കാര്‍ഡോ റോച്ച, റൊണാള്‍ഡോ, ബ്രാങ്കോ, മൗറോ സില്‍വ, ഡൂംഗ, മാസീഞ്ഞോ, ബെബെറ്റോ, സീഞ്ഞോ, പൗളോ സെര്‍ജിയോ, വിയോല.
ഇറ്റലി
സോല, ആല്‍ബര്‍ട്ടീനി, ബറേസി, അപ്പോളോനി, ബെനാരിവോ, ബെര്‍ട്ടി, കാസ്റ്റകുര്‍ട്ട, കാസിറാഗി, എവാനി, മസ്സി, മസ്സാറോ, ടസ്സോട്ടി, ബ്രാഗ്ലിയ, വിര്‍ചോവുഡ്, ശില്ലാക്കി, എറാനിയോ, റോസ്സി, പനൂച്ചി.