വാഷിങ്ടണ്‍ ഡി.സി: മരുഭൂമിയിലെ ആമകള്‍ ചൂട് സഹിക്കാനാവാതെ ചാകുന്നതായി പഠനം. മരുഭൂമിയില്‍ റോഡിന് സമാന്തരമായി കെട്ടിയ വേലികള്‍ മൂലം ആമകള്‍ക്ക് മരുഭൂമിയില്‍ നിന്ന് മാറി സഞ്ചരിക്കാനും കഴിയുന്നില്ല. അതിനാല്‍ കനത്ത ചൂട് മൂലമാണ് ഇവ കൂട്ടമായി ചാകുന്നതെന്നാണ് ഗവേഷകര്‍ കണ്ടെത്തിയത്.

കാലിഫോര്‍ണിയയിലെ തെക്കന്‍ മരുഭൂമിയിലാണ് ആമകള്‍ ചൂട് സഹിക്കാനാകാതെ ചാവുന്നത്. കാലിഫോര്‍ണിയ സര്‍വകലാശാലയിലെ ഗവേഷകരാണ് ഇതു സംബന്ധിച്ച പഠനം നടത്തിയത്. ഇതിന് ഉടന്‍ തന്നെ പരിഹാരം കണ്ടില്ലെങ്കില്‍ ആമകള്‍ കൂട്ടമായി ചാകുമെന്നാണ് ഇവര്‍ പറയുന്നത്.

ആമകളുടെ ശരീരത്തില്‍ ജി.പി.എസ് ചിപ്പ് ഘടിപ്പിച്ചാണ് പഠനം നടത്തിയത്. ഇതിലൂടെ ആമകള്‍ മരുഭൂമിയിലൂടെ സഞ്ചരിച്ച് റോഡിനു സമീപമുള്ള വേലിക്കടുത്ത് നില്‍ക്കുന്നതായാണ് കണ്ടെത്തിയത്. ആമകള്‍ കൂട്ടമായി റോഡിലിറങ്ങുന്നതു മൂലം വാഹനങ്ങള്‍ക്കിടയില്‍ പെട്ട് ചാകുന്നത് പതിവായിരുന്നു. ഇതിന് പരിഹാരം കാണുന്നതിന്റെ ഭാഗമായാണ് വേലി കെട്ടിയത്.