കൊല്ലൂര്‍വിള: ജീര്‍ണതക്കെതിരേ ശക്തമായി ബോധവല്‍ക്കരണത്തിന് മുഅല്ലിംകള്‍ മുന്നിട്ടിറങ്ങണമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ആഹ്വാനം ചെയ്തു. കൊല്ലം കൊല്ലൂര്‍വിളയില്‍ സമസ്ത സാരഥി സംഗമത്തില്‍ അധ്യക്ഷ പ്രഭാഷണംനടത്തുകയായിരുന്നു തങ്ങള്‍. മതാധ്യാപകരുടെ ജീവിത ശൈലിയും പ്രവര്‍ത്തനരീതിയും വഴി സമൂഹത്തിനു മാതൃകായോഗ്യമായി തീരാന്‍ അധ്യാപകര്‍ക്ക് സാധിക്കും. മാറുന്ന കാലത്തിന്റെ മാറ്റമുള്‍കൊണ്ട് പരമ്പരാഗത വിശ്വാസം മുറുകെ പിടിക്കുന്ന ആദര്‍ശബോധമുള്ള തലമുറയെ വാര്‍ത്തെടുക്കാന്‍ അധ്യാപകര്‍ ശ്രമിക്കണം. പ്രവാചക ദൗത്യത്തിന്റെ പ്രധാന ഭാഗമാണ് മുഅല്ലിംകള്‍ ഏറ്റെടുത്ത് നിര്‍വഹിക്കുന്നതെന്നും തങ്ങള്‍ പറഞ്ഞു.
പ്രബോധനം