പെരുമ്പാവൂര്‍: ഐ.സി.ഡി.എസ് കൂവപ്പടി പ്രൊജക്ടിന്റെ ആഭിമുഖ്യത്തില്‍ ലോകമുലയൂട്ടല്‍ വാരാചരണ പരിപാടി സംഘടിപ്പിച്ചു. രായമംഗലം പഞ്ചായത്ത് കമ്മ്യൂണിറ്റി ഹാളില്‍ നടന്ന പരിപാടി കൂവപ്പടി ബ്ലോക്ക് പഞ്ചായത്ത് പ്രസിഡന്റ് ബിന്ദു ഗോപാലകൃഷ്ണന്‍ ഉദ്ഘാടനം ചെയ്തു. ഡോ. വിക്ടര്‍ ക്ലാസ് നയിച്ചു. ചടങ്ങില്‍ പെരുമ്പാവൂര്‍, അശമന്നൂര്‍, രായമംഗലം, വേങ്ങൂര്‍, മുടക്കുഴ, ഒക്കല്‍, കൂവപ്പടി എന്നിവിടങ്ങളിലെ അങ്കണവാടി പ്രവര്‍ത്തകര്‍, അമ്മമാര്‍, കുഞ്ഞുങ്ങള്‍, സ്‌കൂള്‍ വിദ്യാര്‍ത്ഥികള്‍, ആരോഗ്യ വകുപ്പ് പ്രവര്‍ത്തകര്‍ സംബന്ധിച്ചു. തുടര്‍ന്ന് സ്‌കൂള്‍ വിദ്യാര്‍ത്ഥികള്‍ക്കായി പോസ്റ്റര്‍ മത്സരവും അമ്മമാര്‍ക്കായി പ്രശ്‌നോത്തരിയും നടന്നു. ടി.ആര്‍ ബീന, സൈനബ, പ്രതിഭ മത്തായി, സിജിമോള്‍, സീന, എം.എസ് ലൈല, ബിന്ദുമോള്‍ എന്നിവര്‍ സംസാരിച്ചു.