സന്നിധാനം: സന്ദര്‍ശനത്തിന് അനുമതി ലഭിച്ച ട്രാന്‍സ്‌ജെന്‍ഡേഴ്‌സ് സംഘം ശബരിമലയില്‍ ദര്‍ശനം നടത്തി. രാവിലെ പത്തരയോടെ പൊലിസിന്റെ കനത്ത സുരക്ഷയിലാണ് ഇവര്‍ സന്നിധാനത്തെത്തിയത്.

കഴിഞ്ഞ ദിവസം ശബരിമലയിലേയ്ക്ക് പോകാനെത്തിയ നാല് ട്രാന്‍സ്‌ജെന്‍ഡറുകളെ എരുമേലിയില്‍ പൊലിസ് തടഞ്ഞ് മടക്കി അയച്ചിരുന്നു. തുടര്‍ന്ന് തിരുവനന്തപുരത്ത് ഹൈക്കോടതി നിയോഗിച്ച മൂന്നംഗ സമിതിയിലെ അംഗമായ ഡി.ജി.പി എ. ഹേമചന്ദ്രന് അപേക്ഷ നല്‍കുകയും ഹൈക്കോടതിയെ സമീപിക്കാന്‍ തീരുമാനിക്കുകയും ചെയ്തു. ഇതിനുപിന്നാലെ ശബരിമല തന്ത്രിയും പന്തളം കൊട്ടാരവും ട്രാന്‍സ്‌ജെന്‍ഡറുകള്‍ക്ക് ശബരിമലയില്‍ ദര്‍ശനത്തിന് അനുകൂല നിലപാട് സ്വീകരിച്ചതോടെ പൊലിസ് അനുമതി നല്‍കുകയായിരുന്നു.