കാസര്‍കോട്: വിമാന കമ്പനികള്‍ പ്രവാസി ഇന്ത്യക്കാരെ കൊള്ളയടിക്കുന്നതായി മുസ്‌ലിം ലീഗ് ദേശീയ നിര്‍വ്വാഹക സമിതി അംഗം ചെര്‍ക്കളം അബ്ദുല്ല പ്രസ്താവിച്ചു. ദുബൈയില്‍ നിന്നും ഇന്ത്യയിലേക്ക് വരാന്‍ ടിക്കറ്റ് നിരക്ക് യഥാര്‍ത്ഥ നിരക്കിന്റെ നാലിരട്ടിയാണെന്നും ചെര്‍ക്കളം പറഞ്ഞു.
പ്രവാസികളോട് കാണിക്കുന്ന ഈ കടുത്ത അനീതി ഏത് വിമാനക്കമ്പനിയാണെങ്കിലും നിര്‍ത്തല്‍ ചെയ്യാന്‍ നടപടി സ്വീകരിക്കണമെന്ന് ചെര്‍ക്കളം ആവശ്യപ്പെട്ടു.
കേന്ദ്ര വിദേശകാര്യ മന്ത്രിക്കയച്ച കത്തില്‍ ഇക്കാര്യത്തില്‍ കേന്ദ്ര ഗവണ്‍മെന്റ് ഇടപെട്ട് അടിയന്തര നടപടി സീകരിക്കണമെന്ന് ആവശ്യപ്പെട്ടു. വിമാന കമ്പനിക്കാരുടെ കൊള്ളക്ക് എന്നും വിധേയരാകുന്നത് ഇന്ത്യയില്‍ നിന്നുള്ള പ്രവാസികളാണെന്നും ചെര്‍ക്കളം ചൂണ്ടിക്കാട്ടി.