കണ്ണൂര്‍: പയ്യന്നൂര്‍ മലയാളഭാഷാ പാഠശാലയുടെ പുരസ്‌കാരങ്ങള്‍ 13നു രാവിലെ 9.30ന് ഏച്ചൂര്‍ നളന്ദാ കോളജിലെ ഒ.എന്‍.വി സമൃതിവേദിയില്‍ മലയാളം സര്‍വകലാശാല വൈസ് ചാന്‍സലര്‍ കെ ജയകുമാര്‍ സമ്മാനിക്കും. കവിതയ്ക്കുള്ള സഞ്ജയന്‍ അവാര്‍ഡ് പ്രഭാവര്‍മയും നോവലിനുള്ള ചന്തുമേനോന്‍ അവാര്‍ഡ് കെ.ആര്‍ മീരയും നാടകത്തിനുള്ള കെ.ടി മുഹമ്മദ് അവാര്‍ഡ് പ്രമോദ് പയ്യന്നൂരും ഏറ്റുവാങ്ങും. 15,000 രൂപയും ശില്‍പവും അടങ്ങുന്നതാണു പുരസ്‌കാരം. വൈകുന്നേരം മൂന്നിന് അവാര്‍ഡ് ജേതാക്കളുടെ സംഗമവും സര്‍ഗസംവാദവും മലയാളഭാഷാ പാഠശാലയുടെ ആസ്ഥാനമായ പയ്യന്നൂരില്‍ നടക്കും. വാര്‍ത്താസമ്മേളനത്തില്‍ ടി.പി ഭാസ്‌കരപൊതുവാള്‍, ടി.എം ഹരീഷ്‌കുമാര്‍, കെ.പി ജയബാലന്‍ സംബന്ധിച്ചു.