കണ്ണൂര്‍: ദേശീയപാതയില്‍ പള്ളിക്കുളം ജങ്ഷനില്‍ സ്വകാര്യബസും പിക്കപ്പ് വാനും കൂട്ടിയിടിച്ച് രണ്ടുപേര്‍ക്കു പരുക്കേറ്റു. ഇന്നലെ രാവിലെ 8.30ഓടെയായിരുന്നു കണ്ണൂരില്‍നിന്നു തളിപ്പറമ്പിലേക്കു പോവുകയായിരുന്ന സ്വകാര്യബസും പുതിയതെരുവില്‍ നിന്നു പള്ളിക്കുളം ജേബീസ് കോളജ് റോഡിലേക്ക് കയറുകയായിരുന്ന പിക്കപ്പ് വാനും അപകടത്തില്‍പ്പെട്ടത്. പരുക്കേറ്റ ബസ് യാത്രക്കാരായ നാറാത്ത് സ്വദേശി ചന്ദ്രന്‍ (45), എടച്ചൊവ്വയിലെ അനുപമ (32) എന്നിവരെ സ്വകാര്യ ആശുപത്രിയില്‍ പ്രവേശിപ്പിച്ചു.