തളിപ്പറമ്പ് : യാത്രക്കാരായ സ്ത്രീകള്‍ക്കു നമസ്‌ക്കരിക്കാന്‍ തളിപ്പറമ്പ് ഹൈവേ മസ്ജിദുല്‍ സ്വഹാബയില്‍ പ്രത്യേക സൗകര്യം ഏര്‍പ്പെടുത്തി. ടീം തളിപ്പറമ്പ അബുദാബി പ്രസിഡന്റ് കെ.വി അഷ്‌റഫ് ഉദ്ഘാടനം ചെയ്തു. മസ്ജിദുല്‍ സ്വഹാബ പ്രസിഡന്റ് കെ.വി സലാം ഹാജി അധ്യക്ഷനായി. ഖത്തീബ് അബൂബക്കര്‍ സിദ്ധിഖ് അസ്ഹരി സമ്മേളനം ഉദ്ഘാടനം ചെയ്തു. കൊടിയില്‍ സലിംഹാജി, റാഫി അമാനി, കെ.വി സത്താര്‍, സി.കെ മജീദ്, പി അബ്ദുറഹ്മാന്‍ ഹാജി, കെ.വി സൈനൂദ്ദീന്‍ ഹാജി, പ്ലാസ ഷുക്കൂര്‍ഹാജി, കെ.വി ഫിറോസ് ഹാജി, കെ.പി അഷ്‌റഫ്, ബഷീര്‍ പാളയാട്, എ.കെ അബ്ദുല്ല ഹാജി, കെ സഹദ് ഹാദി എന്നിവര്‍ സംസാരിച്ചു. പ്രാര്‍ഥനയ്ക്കു വരുന്ന സ്ത്രീകള്‍ക്കു നമസ്‌ക്കാര കുപ്പായവും ബാത്ത്‌റൂം സൗകര്യവും ഏര്‍പ്പെടുത്തിയിട്ടുണ്ടെന്നു ഭാരവാഹികള്‍ അറിയിച്ചു.