പട്ടിക്കാട്: ജാമിഅഃ നൂരിയ്യയില്‍ അബൂദബിയിലെ പ്രമുഖ ഖാരിഅ് ഹാഫിസ് അഹ്മദ് നസീം അലി അഹ്മദിന്റെ നേതൃത്വത്തില്‍ നടന്ന ഖുര്‍ആന്‍ പാരായണ പരിശീലന ശില്‍പശാല 'ജവ്വിദ് 2017' സമാപിച്ചു. ഖുര്‍ആന്‍ പാരായണ ശൈലികളിലും പാരായണ നിയമങ്ങളിലും ആധികാരിക പഠനവും പരിശീലനവും സാധ്യമാകുന്ന തരത്തിലായിരുന്നു മൂന്നാഴ്ച നീണ്ടു നിന്ന ശില്‍പശാല. പരിപാടിക്ക് നേതൃത്വം നല്‍കിയ തൃശൂര്‍ സ്വദേശിയായ ഹാഫിസ് അഹ്മദ് നസീം അലി അഹ്മദ് അബൂദബിയിലെ ശൈഖ് സാഇദ് ഗ്രാന്റ് മസ്ജിദിലെ ഖാരിആണ്.
സമാപന സംഗമം സമസ്ത ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. കോട്ടുമല മൊയ്തീന്‍കുട്ടി മുസ്‌ലിയാര്‍, പി. കുഞ്ഞാണി മുസ്‌ലിയാര്‍, പുത്തനഴി മൊയ്തീന്‍ ഫൈസി, ഹംസ ഫൈസി ഹൈതമി, ളിയാഉദ്ദീന്‍ ഫൈസി മേല്‍മുറി, മുഹമ്മദലി ശിഹാബ് ഫൈസി കൂമണ്ണ, സുലൈമാന്‍ ഫൈസി ചുങ്കത്തറ, പിണങ്ങോട് അബൂബക്കര്‍, ഖാരിഅ് അബ്ദു റസാഖ് മുസ്‌ലിയാര്‍ കായംകുളം, എ.ടി മുഹമ്മദലി ഹാജി പ്രസംഗിച്ചു.