തിരുവനന്തപുരം: തിരുവനന്തപുരത്ത് സ്വകാര്യ ചാനലിലെ ജീവനക്കാരി ആത്മഹത്യക്ക് ശ്രമിച്ചു. ന്യൂസ് 18 ചാനലിലെ മാധ്യമപ്രവര്‍ത്തകയാണ് ആത്മഹത്യക്ക് ശ്രമിച്ചത്. ജോലിയില്‍ നിന്ന് പിരിച്ചുവിടുമെന്ന ഭീഷണിയെത്തുടര്‍ന്നാണ് ആത്മഹത്യാ ശ്രമം.

സംഭവത്തില്‍ മേലുദ്യോഗസ്ഥരായ നാലു പേര്‍ക്കെതിരേ ആത്മഹത്യാ പ്രേരണാ കുറ്റത്തിന് പൊലിസ് കേസെടുത്തു. സംഭവത്തില്‍ വഞ്ചിയൂര്‍ എസ്.ഐയുടെ നേതൃത്വത്തില്‍ മാധ്യമപ്രവര്‍ത്തകയുടെ മൊഴിയെടുത്തു.