ജിദ്ദ: മദീനയിലെ ഖുബാ മസ്ജിദ് ഇനി മുതല്‍ മുഴുവന്‍ സമയവും തുറന്നിടും. ഇത് വരെ പള്ളി രാത്രി സമയത്ത് അടച്ചിരുന്നു. മദീനയില്‍ സന്ദര്‍ശനം നടത്തിയ വേളയില്‍ സഊദി ഭരണാധികാരി ഖുബാ മസ്ജിദ് സന്ദര്‍ശിച്ചിരുന്നു. ഈ സന്ദര്‍ഭത്തില്‍ പള്ളി മുഴുവന്‍ സമയവും വിശ്വാസികള്‍ക്കായി തുറന്നിട്ട് കൊടുക്കാന്‍ രാജാവ് കല്‍പ്പിക്കുകയായിരുന്നു. ഇത് പ്രകാരമാണു ശനിയാഴ്ച മുതല്‍ പള്ളി മുഴുവന്‍ സമയവും തുറന്നിടുന്നത്.
ഹജ്ജ്, ഉംറ തീര്‍ഥാടകര്‍ ഉള്‍പ്പെടെ മദീന സന്ദര്‍ശിക്കുന്നവര്‍ക്ക് ഏറെ അനുഗ്രഹമാകുന്നതാണ് തീരുമാനം.

മക്ക, മദീന ഹറമുകള്‍ക്ക് ശേഷം സൗദിയില്‍ അടക്കാതിരിക്കുന്ന പള്ളിയും ഇനി ഖുബാ ആയിരിക്കും. അതേ സമയം ഇതിനു ആവശ്യമായ എല്ലാ ഒരുക്കങ്ങളും നേരത്തെ പൂര്‍ത്തിയാക്കിയിരുന്നതായി മദീന ഇസ്ലാമിക കാര്യ മന്ത്രാലയ ശാഖാ മേധാവി ശൈഖ് ഖൈസ് അല്‍മുഅയ്ഖിലി പറഞ്ഞു.
പ്രവാചകന് മുഹമ്മദ് നബി ആദ്യമായി നിര്‍മ്മിച്ച പള്ളിയാണു ഖുബാ മസ്ജിദ്.