കെയ്‌റോ: വടക്കന്‍ ഈജിപ്തില്‍ യാത്രാ ട്രെയിനുകള്‍ കൂട്ടിയിടിച്ചുണ്ടായ ദുരന്തത്തില്‍ 36 യാത്രക്കാര്‍ കൊല്ലപ്പെട്ടു. 120 പേര്‍ക്ക് പരുക്കേറ്റിട്ടുണ്ടെന്ന് ആരോഗ്യ വകുപ്പ് അധികൃതര്‍ പറഞ്ഞു. കെയ്‌റോയില്‍ നിന്ന് പുറപ്പെട്ട ട്രെയിനില്‍ പോര്‍ട് സെയ്ദില്‍ നിന്ന് വന്ന ട്രെയിന്‍ ഇടിച്ചാണ് അപകടം. വടക്കന്‍ തീരപ്രദേശ നഗരമായ അലക്‌സാണ്ട്രിയയിലാണ് അപകടം നടന്നതെന്ന് പ്രാദേശിക മാധ്യമങ്ങള്‍ പറഞ്ഞു.
ഇരു ട്രെയിനുകളും നേര്‍ക്കുനേര്‍ കൂട്ടിയിടിച്ചെന്നാണ് റിപ്പോര്‍ട്ടുകള്‍. അപകടത്തിന്റെ കാരണം വ്യക്തമല്ല. ഈജിപ്തില്‍ ട്രെയിന്‍ അപകടങ്ങള്‍ പൊതുവെ കുറവാണ്.