വൈക്കം: അടിമാലി നളന്ദ ഗ്രൂപ്പിന്റെ നേതൃത്വത്തില്‍ ഏഴിന് തിരുവന്തപുരത്ത് നിന്നു തുടങ്ങിയ സ്വാതന്ത്ര്യസമര ബോധവല്‍ക്കരണ സന്ദേശ യാത്രയ്ക്ക് വൈക്കത്ത് സത്യാഗ്രഹ സ്മാരക ആശ്രമം സ്‌കൂളില്‍ സ്വീകരണം നല്‍കി.
സ്റ്റുഡന്‍സ് പൊലിസ്, ജൂനിയര്‍ റെഡ്‌ക്രോസ് അംഗങ്ങള്‍, നാഷനല്‍ സര്‍വിസ് വിഭാഗങ്ങള്‍ എന്നിവരുടെ നേതൃത്വത്തില്‍ വിളംബരജാഥ നടത്തി.
സ്വീകരണ സമ്മേളനം കാര്‍ട്ടൂണിസ്റ്റ് രേഖാ വെള്ളത്തൂവല്‍ ഉദ്ഘാടനം ചെയ്തു. പി.ടി.എ പ്രസിഡന്റ് ഷാജി മാടയില്‍ അധ്യക്ഷനായി.
ജാഥാ ക്യാപ്റ്റന്‍ സി.എസ് റെജി കുമാര്‍, കോര്‍ഡിനേറ്റര്‍ പ്രീത ഭാസ്‌കര്‍, പ്രിന്‍സിപ്പല്‍മാരായ പി.ആര്‍ ബിജി, കെ.വി പ്രദീപ്കുമാര്‍, പ്രധാനാധ്യാപകന്‍ പി.ടി ജിനീഷ്, കെ.കെ നാണപ്പന്‍, സത്യന്‍ കോനാട്ട്, സാബു കോക്കാട്ട്, ഷാജി റ്റി കുരുവിള, പ്രിയാ ഭാസ്‌കര്‍, ശിവദാസ് സംസാരിച്ചു. യാത്ര 15ന് മൂന്നാറില്‍ സമാപിക്കും.