കോട്ടയം: ദര്‍ശന സാംസ്‌കാരിക കേന്ദ്രം ന്യൂഡല്‍ഹി ചില്‍ഡ്രന്‍സ് ബുക്ക് ട്രസ്റ്റുമായി ചേര്‍ന്ന് സംഘടിപ്പിച്ച 24 -ാം ദര്‍ശന അഖില കേരള ശങ്കേഴ്‌സ് ചിത്രരചന, കാര്‍ട്ടൂണ്‍ മത്സരത്തില്‍ കേരളത്തിലെ വിവിധ വിദ്യാലയങ്ങളില്‍ നിന്നായി 3000 കുട്ടികള്‍ പങ്കെടുത്തു.
രണ്ടു ദിവസങ്ങളിലായാണു മത്സരങ്ങള്‍ നടന്നത്. പെയിന്റിങില്‍ അതുല്‍ എസ്. രാജ് (എം.ഡി. സെമിനാരി, എച്ച്.എസ്.എസ് കോട്ടയം) ശങ്കര്‍ പുരസ്‌കാരം കരസ്ഥമാക്കി. മത്സരത്തില്‍ പങ്കെടുത്ത എല്ലാ കുട്ടികള്‍ക്കും സമ്മാനകിറ്റുകള്‍ വിതരണം ചെയ്തു.
സി ഗ്രൂപ്പില്‍ (5, 6, 7 ക്ലാസുകള്‍) ഒന്നാം സ്ഥാനം രജ്ഞിത ആര്‍. (സെന്റ് ആന്‍സ്. ജി.എച്ച്.എസ്എസ്. കോട്ടയം), രണ്ടാം സ്ഥാനം റിത്വിക് വി. റാം. (മാര്‍ മാക്കില്‍ പബ്ലിക് സ്‌കൂള്‍, കൈപ്പുഴ), മൂന്നാം സ്ഥാനം ഗാഥ ഗോപകുമാര്‍. (വിദ്യാനഗര്‍ തേവക്കല്‍, എറണാകുളം) എന്നിവര്‍ കരസ്ഥമാക്കി. ഡി. ഗ്രൂപ്പില്‍ (8, 9, 10 ക്ലാസുകള്‍) ഒന്നാം സ്ഥാനം ആദിത്യ രാജന്‍ (കാര്‍മ്മല്‍ അക്കാദമി എച്ച്,എസ്.എസ്, ആലപ്പുഴ) രണ്ടാം സ്ഥാനം ഖദീജ മുഹമ്മദ് (ശ്രീ വിദ്യാധിരാജ ഇ.എം, എച്ച്.എസ്.എസ്, ഏറ്റുമാനൂര്‍) മൂന്നാം സ്ഥാനം തീര്‍ത്ഥ ഗോപകുമാര്‍ കെ. (വിദ്യോദയ സ്‌കൂള്‍, തേവക്കല്‍, എറണാകുളം) എന്നിവര്‍ കരസ്ഥമാക്കി.
ഇ. ഗ്രൂപ്പില്‍ (11, 12 ക്ലാസുകള്‍) ഒന്നാം സ്ഥാനം ദേവ് ജി. നായര്‍ (സെന്റ് ഏഫ്രേംസ്, എച്ച്എസ്.എസ്. മാന്നാനം), രണ്ടാം സ്ഥാനം എഡ്‌വിന്‍ രാജു (ചാവറ സി.എം.ഐ. പബ്ലിക് സ്‌കൂള്‍, പാലാ), മൂന്നാം സ്ഥാനം ഹെവന്‍സ്റ്റാര്‍ ഹിലാരി (സെന്റ് മേരീസ് എച്ച്.എസ്.എസ്. മണര്‍കാട്) എന്നിവര്‍ നേടി.