.

കോഴിക്കോട്: ഹൈഡ്രജന്‍ വാട്ടര്‍ ഇനിമുതല്‍ കേരളത്തിലും ലഭ്യമാകും. കോഴിക്കോട് കമ്പനി ആസ്ഥാനത്ത് നടന്ന ചടങ്ങില്‍ കെ.വൈ.കെ എന്ന കമ്പനിയാണ് വിപണിയില്‍ അവതരിപ്പിച്ചത്. സ്‌കോട്ട് ലുമിന്‍ പ്രൈവറ്റ് ലിമിറ്റഡിന്റെ പ്രവര്‍ത്തനോദ്ഘാടനം പാണക്കാട് സയ്യിദ് റഷീദലി ശിഹാബ് തങ്ങള്‍ നിര്‍വഹിച്ചു. എം.കെ രാഘവന്‍ എം.പി, കോഴിക്കോട് മെഡിക്കല്‍ കോളജ് പ്രിന്‍സിപ്പല്‍ ഡോ.വി. ആര്‍ രാജേന്ദ്രന്‍, കമാല്‍ വരദൂര്‍ സംബന്ധിച്ചു. വാര്‍ത്താ സമ്മേളനത്തില്‍ കെ.വൈ.കെ ഇന്ത്യ മാനേജിങ് ഡയറക്ടര്‍ മുഹമ്മദ് ഖാസിം, ഡയറക്ടര്‍ സ്‌കോട്ട് ലുമിന്‍, കേരള സ്‌പോര്‍ട്‌സ് കൗണ്‍സില്‍ അംഗം വി.കെ തങ്കച്ചന്‍, നിഷാന്ത് പാണ്ഡെ പങ്കെടുത്തു.