കാര്യമ്പാടി: സ്വാതന്ത്രദിനത്തോടനുബന്ധിച്ച് മുട്ടില്‍ പഞ്ചായത്തിലെ എല്‍.പി വിഭാഗം വിദ്യാര്‍ഥികള്‍ക്കായി കാര്യമ്പാടി ഗവ.എല്‍.പി സ്‌കൂളില്‍ പ്രസംഗ മല്‍സരം സംഘടിപ്പിച്ചു.
തുടര്‍ന്നു നടന്ന പൊതുപരിപാടിയില്‍ വാര്‍ഡ് മെമ്പര്‍ ഹസീന ഷാഹുല്‍ അധ്യക്ഷയായി. വിദ്യഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എം.ബി ഫൈസല്‍ ഉദ്ഘാടനം ചെയ്തു. മല്‍സരത്തില്‍ ഒന്നാം സ്ഥാനം നേടിയ അദീല്‍ (എ.എല്‍.പിസ്‌കൂള്‍ കൊളവയല്‍), രണ്ടാം സ്ഥാനം നേടിയ സഹദിയ തസ്‌നി (ജി.എല്‍.പി സ്‌കൂള്‍ കാര്യമ്പാടി), മൂന്നാം സ്ഥാനം നേടിയ സന ഫാത്തിമ, ജി.എച്ച്.എസ് പരിയാരം എന്നിവര്‍ക്കുള്ള സമ്മാനം വാര്‍ഡ് മെമ്പര്‍ ഷൈലജ വിതരണം ചെയ്തു. ചടങ്ങില്‍ പ്രധാനാധ്യാപിക ടി.പി മേരി സ്വാഗതം പറയുകയും പി.ടി.എ പ്രസിഡന്റ് എം അനീഷ് നന്ദിയും പറഞ്ഞു.