മലപ്പുറം: മക്കരപ്പറമ്പ്  വ്യാപാരി കൂട്ടായ്മയുടെ ശഅ്ബാന്‍ നിലാവ് മാപ്പിളപ്പാട്ട് റിയാലിറ്റി ഷോ ഫൈനല്‍ 14ന് കുന്നുമ്മല്‍ ടൗണ്‍ഹാളില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. രാവിലെ ഒന്‍പതുമുതല്‍ രാത്രി ഒന്‍പതുവരെയാണ് മത്സരം. 30 പേര്‍ പങ്കെടുക്കും. ജൂനിയര്‍ മത്സര വിജയികളെയും ചടങ്ങില്‍ പ്രഖ്യാപിക്കും. ബാപ്പു കൂട്ടില്‍, മങ്കട ദാമോദരന്‍, മുഹ്‌സിന്‍ കുരിക്കള്‍, മുഹമ്മദ് രാമപുരം അബു ത്വാഹില്‍ മൗലവി പനങ്ങാങ്ങര, നിസാര്‍ തൊടുപുഴ, നൗഷാദ് ബാരി, സജ്‌ന തിരുവമ്പാടി, യുവ സാഹിത്യകാരന്‍ ഫിറോസ്ഖാന്‍ പുത്തനങ്ങാടി എന്നിവരെ ആദരിക്കും. ചടങ്ങില്‍ മുന്‍ എം.പി ടി.കെ ഹംസ മുഖ്യാതിഥിയാവും. സംഗീത സംവിധായകന്‍ കെ.പി അബുട്ടി, എം.എല്‍. എമാരായ പി. ഉബൈദുള്ള, എ.പി അനില്‍കുമാര്‍, കെ.കെ ആബിദ് ഹുസൈന്‍ തങ്ങള്‍ എന്നിവര്‍ പങ്കെടുക്കും.