കോഴിക്കോട്: കാലിക്കറ്റ് പ്രസ്‌ക്ലബിന്റെ അഞ്ചു മാധ്യമ അവാര്‍ഡുകള്‍ ഇന്നു സമ്മാനിക്കും. രാവിലെ 11.30ന് പ്രസ്‌ക്ലബ് ഹാളില്‍ നടക്കുന്ന ചടങ്ങില്‍ നിയമസഭാ സ്പീക്കര്‍ പി. ശ്രീരാമകൃഷ്ണന്‍  അവാര്‍ഡുകള്‍ വിതരണം ചെയ്യും. എ. പ്രദീപ്കുമാര്‍ എം.എല്‍.എ, പി.ജെ ജോഷ്വ, പി.പി അബൂബക്കര്‍, കെ.ഡി.എഫ്.എ സീനിയര്‍ വൈസ് പ്രസിഡന്റ് ഇ. കുട്ടിശങ്കരന്‍ പ്രസംഗിക്കും.
മികച്ച മുഖപ്രസംഗത്തിനുള്ള തെരുവത്ത് രാമന്‍ അവാര്‍ഡിന് മാധ്യമം അസോസിയേറ്റ് എഡിറ്റര്‍ പ്രൊഫ. കെ. യാസീന്‍ അഷ്‌റഫും മികച്ച ജനറല്‍ റിപ്പോര്‍ട്ടിനുള്ള കെ.സി മാധവക്കുറുപ്പ് അവാര്‍ഡിന് മംഗളം ബ്യൂറോ ചീഫ് എം. ജയതിലകനുമാണ് അര്‍ഹരായത്.
മികച്ച ടെലിവിഷന്‍ റിപ്പോര്‍ട്ടിനുള്ള പി. ഉണ്ണികൃഷ്ണന്‍ അവാര്‍ഡിന് മനോരമ ന്യൂസ് കോഡിനേറ്റിങ് എഡിറ്റര്‍ റോമി മാത്യുവും മികച്ച സ്‌പോര്‍ട്‌സ് റിപ്പോര്‍ട്ടിനുള്ള മുഷ്താഖ് അവാര്‍ഡിന് മെട്രോ വാര്‍ത്തയിലെ വി. സഞ്ജുവുമാണ് അര്‍ഹരായത്. മികച്ച സ്‌പോര്‍ട്‌സ് ഫോട്ടോഗ്രാഫിക്കുള്ള മുഷ്താഖ് അവാര്‍ഡ് മാധ്യമം ഫോട്ടോഗ്രാഫര്‍ മുസ്തഫ അബൂബക്കറിനാണ്.