ആലപ്പുഴ: നെഹ്‌റുട്രോഫി ജലമേളയോടനുബന്ധിച്ച് നെഹ്‌റുട്രോഫി കള്‍ച്ചറല്‍ കമ്മിറ്റിയുടെ ആഭിമുഖ്യത്തില്‍ തത്സമയ മുഖ ചിത്ര രചനാപരിപാടിയായ വരമേള സംഘടിപ്പിക്കുന്നു. നഗരചത്വരത്തില്‍ ഇന്നു വൈകുന്നേരം നാലിനാണ് പരിപാടി. വരമേളയില്‍ ചിത്രകാരന്മാരായ ശിവദാസ് വാസു, കലേഷ് പൊന്നപ്പന്‍, രാകേഷ് അന്‍സേര എന്നിവര്‍ പൊതുജനങ്ങളുടെ ചിത്രങ്ങള്‍ തത്സമയം വരച്ച് സൗജന്യമായി നല്‍കും.  കാരിക്കേച്ചര്‍, കളര്‍പെന്‍സില്‍ പോര്‍ട്രൈറ്റ്, പേസ്റ്റല്‍ പോര്‍ട്രൈറ്റ് എന്നിവയാണ് വരക്കുന്നത്.