തൊടുപുഴ: കേരള സാമൂഹ്യസുരക്ഷാ മിഷന്‍, തൊടുപുഴ നഗരസഭ, വോഡഫോണ്‍ എന്നിവ സംയുക്തമായി വയോജന ഓണാഘോഷ മഹോത്സവവും ഓണവിരുന്നും സംഘടിപ്പിക്കും. നാളെ മൗര്യാ ഗാര്‍ഡന്‍സില്‍ രാവിലെ 10 മുതല്‍ വൈകിട്ട് അഞ്ചു വരെയാണ് വയോജനങ്ങളുടെ ഓണാഘോഷ പരിപാടികള്‍ അരങ്ങേറുന്നത്.
രാവിലെ 10ന് നഗരസഭാധ്യക്ഷ സഫിയ ജബ്ബാര്‍ ഓണാഘോഷപരിപാടികള്‍ ഉദ്ഘാടനം ചെയ്യും. വൈസ് ചെയര്‍മാന്‍ ടി.കെ സുധാകരന്‍ നായര്‍ അധ്യക്ഷനാവും. 11 മുതല്‍ രണ്ടു വരെ വയോജനങ്ങളുടെ കലാപരിപാടികള്‍ അരങ്ങേറും. 12 മുതല്‍ വിഭവസമൃദ്ധമായ ഓണസദ്യ. രണ്ടു മുതല്‍ കൊച്ചിന്‍ മന്‍സൂര്‍ അവതരിപ്പിക്കുന്ന വയലാര്‍ ഗാനസദ്യയുമുണ്ടാവും.