കൊല്ലം: ജില്ലാ ആശുപത്രിയിലെ എം.ആര്‍.ഐ സ്‌കാന്‍ യൂനിറ്റിലെ വിവിധ തസ്തികകളിലേക്ക് പുറംവാതില്‍ നിയമനത്തിന് അഭിമുഖം നടത്തിയ ആശുപത്രി സൂപ്രണ്ടിനെ ടൗണ്‍ സെന്‍ട്രല്‍ മണ്ഡലം യൂത്ത് കോണ്‍ഗ്രസ് പ്രവര്‍ത്തകര്‍ ഉപരോധിച്ചു.എംപ്ലോയ്‌മെന്റ് എക്‌സ്‌ചേഞ്ചിലൂടെ താല്‍ക്കാലിക ഒഴിവ് നികത്തണമെന്ന നിയമം ഉള്ളപ്പോള്‍ പിന്‍വാതിലിലൂടെ നിയമനം നടത്തുന്നത് ഇഷ്ടക്കാരെ തിരുകിക്കയറ്റാനാണെന്നും ഇത്തരം നടപടിയില്‍ നിന്നും പിന്‍മാറിയില്ലെങ്കില്‍ ശക്തമായ സമരം നടത്തുമെന്നും യൂത്ത് കോണ്‍ഗ്രസ് സെന്‍ട്രല്‍ മണ്ഡലം പ്രസിഡന്റ് ഷെഹീര്‍ പള്ളിത്തോട്ടം പറഞ്ഞു. ഉപരോധ സമരത്തിന് ഷാജി പാലയ്ക്കല്‍, അരുണ്‍ കോട്ടയ്ക്കകം, നൗഷര്‍ പള്ളിത്തോട്ടം, സേതു സന്തോഷ്, സംഗീത്, അഖില്‍ നേതൃത്വം നല്‍കി.