താമരശേരി: ഓടിക്കൊണ്ടിരിക്കെ കാര്‍ കത്തിനശിച്ചു. താമരശേരി ചെക്ക്‌പോസ്റ്റിനു സമീപം ശനിയാഴ്ച പുലര്‍ച്ചെ 3.30നാണ് സംഭവം. മുക്കം ചെറുവാടി സ്വദേശികള്‍ സഞ്ചരിച്ചിരുന്ന ഇന്നോവ കാറാണ് അഗ്നിക്കിരയായത്.
വഴിതെറ്റി വയനാട് ഭാഗത്തേക്കു പോയ കാര്‍ തിരിച്ചുവരുമ്പോള്‍ ചെക്ക്‌പോസ്റ്റിനു സമീപത്തു വച്ചു തീപിടിക്കുകയായിരുന്നു. കാറില്‍നിന്ന് പുക ഉയരുന്നതു കണ്ട് യാത്രക്കാര്‍ പുറത്തേക്കിറങ്ങിയതിനാല്‍ വന്‍ അപകടമൊഴിവായി. തീ സമീപത്തെ ലോറിയിലേക്കു പടര്‍ന്ന് ടയര്‍ കത്തിനശിച്ചു. മുക്കത്തു നിന്നെത്തിയ ഫയര്‍ഫോഴ്‌സാണ് തീയണച്ചത്. സംഭവത്തില്‍ ആര്‍ക്കും പരുക്കില്ല.