കോഴിക്കോട്: ജാഫര്‍ ഖാന്‍ കോളനി റോഡിലെ നടപ്പാതയിലെ സ്ലാബുകള്‍ക്കിടയില്‍ കുട്ടിയുടെ കാല്‍ കുടുങ്ങി. ഇന്നലെ വൈകിട്ട് 6.30 ഓടെയാണ് സംഭവം. അശോകപുരം സ്വദേശി പത്മകുമാറിന്റെ മകന്‍ അമിതിന്റെ (16) കാലാണ് കുടുങ്ങിയത്. ബീച്ച് ഫയര്‍ യൂനിറ്റില്‍ നിന്നും അസിസ്റ്റന്റ് ഫയര്‍ ഓഫിസര്‍ ഷംസുദ്ധീന്റെ നേതൃത്വത്തിലുള്ള സംഘം രക്ഷാ പ്രവര്‍ത്തനത്തിന് നേതൃത്വം നല്‍കി. ഏകദേശം അരമണിക്കൂറോളം നീണ്ട പരിശ്രമത്തിനൊടുവില്‍ ഹൈഡ്രോളിക് കട്ടര്‍ ഉപയോഗിച്ച് സ്ലാബ് മുറിച്ചെടുത്താണ് കുട്ടിയെ രക്ഷപ്പെടുത്തിയത്. എന്നാല്‍ ശക്തമായ മഴ രക്ഷാ പ്രവര്‍ത്തനം വൈകാന്‍ കാരണമായെന്നും ഫയര്‍ ഓഫിസര്‍ പറഞ്ഞു. ഫയര്‍ ഓഫിസര്‍മാരായ ബിജു പ്രസാദ്, സനല്‍ രാജ്, സനില്‍, സഫുവാന്‍, മനോജ് കുമാര്‍, സുരേന്ദ്രന്‍ എന്നിവര്‍ രക്ഷാപ്രവര്‍ത്തന സംഘത്തിലുണ്ടായിരുന്നു.