കണ്ണൂര്‍: ഏതുനിമിഷവും വീഴാറായ നിലയിലാണ് സ്റ്റേഡിയം കോര്‍ണറിന് എതിര്‍വശത്തെ ജില്ലാ വെറ്ററിനറി ഓഫിസിനു മുന്നിലുള്ള തണല്‍മരം. 40 വര്‍ഷത്തോളം പഴക്കമുള്ള മരം ഓഫിസ് കെട്ടിടത്തിലേക്ക് ചാഞ്ഞ നിലയിലാണ്. അപകടാവസ്ഥയിലായ മരം വെട്ടിമാറ്റാന്‍ ജില്ലാപഞ്ചായത്തിന് നിവേദനം നല്‍കിയിരുന്നു. എന്നാല്‍ ശിഖരങ്ങള്‍ മാത്രമാണ് മുറിച്ചുമാറ്റിയത്. ഇപ്പോള്‍ മരം ഏതുനിമിഷവും കടപുഴകി വീഴാവുന്ന സ്ഥിതിയിലയി.
വെറ്ററിനറി ഓഫിസില്‍ ക്ലിനിക്കും മറ്റു അനുബന്ധ ഓഫിസുമാണ് പ്രവര്‍ത്തിക്കുന്നത്. മരുന്നു സൂക്ഷിക്കാനായി പുതിയ കെട്ടിടത്തിന്റെ നിര്‍മാണം സമീപത്ത് പുരോഗതിയിലാണ്.