തലശ്ശേരി: കാര്‍ സര്‍വിസ് സെന്ററില്‍ ആള്‍മാറാട്ടം നടത്തി കാറുമായി മുങ്ങിയ യുവാവിന്റെ രേഖാചിത്രം പൊലിസ് പുറത്തുവിട്ടു. മൊകേരി വള്ളങ്ങാട്ടെ സണ്‍ഷൈന്‍ വാട്ടര്‍ സര്‍വിസ് സെന്ററില്‍ നിന്നാണ് കാറുമായി യുവാവ് കടന്നുകളഞ്ഞത്.  പാനൂരിലെ അലീമ മന്‍സിലില്‍ സര്‍ഫാസിന്റെ സഹോദരനാണെന്ന് പരിചയപ്പെടുത്തിയാണ് ആള്‍മാറാട്ടം നടത്തിയത്. സര്‍വിസ് സെന്ററില്‍ കാര്‍ ഏല്‍പ്പിച്ച സര്‍ഫാസ് എത്തിയപ്പോഴാണ് തട്ടിപ്പ് മനസിലായത്. പൊലിസ് അന്വേഷണത്തിനിടെ ഇരിക്കൂര്‍ പാലത്തിനരികില്‍ കാര്‍ ഉപേക്ഷിക്കപ്പെട്ട നിലയില്‍ കണ്ടെത്തിയിരുന്നു. എന്നാല്‍ കാര്‍ കൊണ്ടുപോയ യുവാവിനെ കുറിച്ച് വിവരം ലഭിച്ചിരുന്നില്ല. സര്‍വിസ് സെന്റര്‍ ജീവനക്കാര്‍ നല്‍കിയ സൂചന വച്ചാണ് രേഖാചിത്രം തയാറാക്കിയത്. വിവരം ലഭിക്കുന്നവര്‍ 9497964078, 9497935452, 0490-2316777 എന്നീ നമ്പറുകളില്‍ ബന്ധപ്പെടണമെന്ന് പൊലിസ് അറിയിച്ചു.