കല്ലമ്പലം: പതിനാറു വയസുകാരിയെ പീഡിപ്പിച്ച വൃദ്ധനെ പൊലിസ് അറസ്റ്റു ചെയ്തു.നാവായിക്കുളം വൈരമലപ്ലാവില വീട്ടില്‍ ഷംസുദ്ധീന്‍ (70) ആണ് അറസ്റ്റിലായത്.
പീഡനത്തിനു ശേഷം പല സ്ഥലങ്ങളില്‍ ഒളിവില്‍ താമസിച്ച ശേഷം വിദേശത്ത് കടക്കാന്‍ ശ്രമിച്ച ഇയാളെ തിരുവനന്തപുരം ഇന്റര്‍നാഷനല്‍ എയര്‍പോര്‍ട്ടില്‍ വച്ചാണ് ഇയാള്‍ പിടിയിലായത്. ഇയാളെ ഒളിവില്‍ താമസിക്കാന്‍ സഹായിച്ച മകന്‍ സിദ്ധിഖിനേയും പൊലിസ് അറസ്റ്റു ചെയ്തു.
തിരുവനന്തപുരം റൂറല്‍ എസ്.പി പി.അശോക് കുമാറിനു ലഭിച്ച രഹസ്യ വിവരത്തെത്തുടര്‍ന്ന് ബഹറിനിലേക്ക് കടക്കാന്‍ ശ്രമിച്ച ഇയാളെ ആറ്റിങ്ങല്‍ എ.എസ്.പി ആദിത്യയുടെ നിര്‍ദേശപ്രകാരം വര്‍ക്കല സി.ഐ പി.വി രമേഷ് കുമാര്‍, അയിരൂര്‍ എസ്.ഐ കെ.ഷിജി, അഡീഷണല്‍ എസ്.ഐ ഉണ്ണി, പൊലിസുകാരായ സെബാസ്റ്റ്യന്‍, സജിത്, ഹരീഷ് എന്നിവരാണ് പ്രതികളെ അറസ്റ്റു ചെയ്തത്.