കണ്ണൂര്‍: ത്രീഡി കാഴ്ചകളുടെ ദൃശ്യവിസ്മയവുമായി കണ്ണൂര്‍ പൊലിസ് മൈതാനിയില്‍ ഓണം ഫെസ്റ്റ് 2016 നാളെ തുടങ്ങും. മാവിലായി റൂറല്‍ ഡെവലപ്‌മെന്റ് സെന്റര്‍ മഹിളാ സമാജവും ഫണ്‍വേള്‍ഡ് ആന്റ് റിസോര്‍ട്ടുമാണ് പരിപാടി സംഘടിപ്പിക്കുന്നത്. ചരിത്രപുരുഷന്മാര്‍ കണ്‍മുന്നിലേക്ക് ഇറങ്ങിവരുന്ന പ്രതീതീയുളവാക്കുന്ന ത്രീഡി ഒപ്റ്റിക്കല്‍ ട്രിക്ക് ആര്‍ട് മ്യൂസിയമാണ് ഫെസ്റ്റിലെ മുഖ്യ ആകര്‍ഷണം. 50 രൂപയാണ് പ്രവേശന ഫീസ്. സാധാരണ ദിവസങ്ങളില്‍ വൈകുന്നേരം മൂന്നുമുതല്‍ രാത്രി ഒമ്പത് വരെയും ശനി, ഞായര്‍ ദിവസങ്ങളില്‍ ഉച്ചയ്ക്ക് രണ്ടുമുതലും  ഓണം സീസണില്‍ രാവിലെ 11 മുതലുമാണ് പ്രദര്‍ശനം. വാര്‍ത്താസമ്മേളനത്തില്‍ മഹിളാ സമാജം പ്രസിഡന്റ് വി.വി ലക്ഷമി, ആര്‍.കെ നിഷ, ഭാസ്‌കരന്‍, പി.ഒ രാധാകൃഷ്ണന്‍ സംബന്ധിച്ചു.