ചാവക്കാട്: നിസ്വാര്‍ഥമായ സാമൂഹിക പ്രവര്‍ത്തനം ദൈവമാര്‍ഗത്തിലുള്ള ജീവിതത്തിന്റെ ഭാഗമാണെന്നും സമൂഹത്തിനു വേണ്ടി നന്മ ചെയ്യുന്നവരെ എക്കാലവും സ്മരിക്കുമെന്നും കോഴിക്കോട് വലിയ ഖാസി പാണക്കാട് അബ്ദുല്‍ ഹയ് നാസര്‍ ശിഹാബ് തങ്ങള്‍. കടപ്പുറംമേഖല സുന്നി മഹല്ല് ഫെഡറേഷന്‍ സംഘടിപ്പിച്ച പി.സി. കോയമോന്‍ ഹാജി അനുസ്മരണവും പ്രാര്‍ഥനാ സദസും ഉദ്ഘാടനം ചെയ്യുകയായിരുന്നു അദ്ദേഹം. എ.കെ. അബ്ദുല്‍ കരീം അധ്യക്ഷത വഹിച്ചു. ഉമ്മര്‍ ബാഖവി പഴയന്നൂര്‍ മുഖ്യ പ്രഭാഷണം നടത്തി. സി.എച്ച് റഷീദ്, സി.എ റഷീദ്, എ അബ്ദുറഹ്മാന്‍, ഷഫീഖ് ഫൈസി, മൊയ്തീന്‍ കുട്ടി അല്‍ഖാസിമി, എ.വി മുഹമ്മദ് മോന്‍ സംസാരിച്ചു.