അണ്ടത്തോട്: സമുദായങ്ങള്‍ക്കിടയില്‍ ശത്രുതയുണ്ടാക്കന്നവരെ തിരിച്ചറിയണമെന്നും ഫാഷിസം ഇന്ത്യയുടെ ശത്രുവാണന്നും ഇതിനെതിരെ ഒന്നിച്ച് നിലകൊള്ളണമെന്നും എസ്.കെ.എസ്.എസ് എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍. എസ്.കെ.എസ്.എസ്.എഫ്. അണ്ടത്തോട് മഹല്ല് ജി.സി.സി കമ്മിറ്റി നടത്തിയ ആദരം സംഗമത്തില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. സമ്മേളനം പാണക്കാട് സാബിഖലി ഷിഹാബ് തങ്ങള്‍ ഉദ്ഘാടനം ചെയ്തു. കമ്മിറ്റി പ്രസിഡന്റ് സി.ബി അബ്ദുല്‍റശീദ് മൗലവി അധ്യക്ഷനായി.
കെ.എം മുഹമ്മദ് മുസ്്‌ലിയാര്‍, സി.എം ഗഫൂര്‍, ജസില്‍ എന്നിവരെ അനുമോദിച്ചു. ചോലയില്‍ ഉസ്മാന്‍, ഉവെസ് സംസാരിച്ചു. അബദുല്‍ മജീദ് ഫൈസി, ത്രീസ്റ്റാര്‍ കുഞ്ഞിമുഹമ്മദ് ഹാജി, അലി സംബന്ധിച്ചു.