പാലക്കാട്: ഒക്‌ടോബര്‍ 14 മുതല്‍ 16 വരെ പത്തിരിപ്പാല മൗണ്ട് സീന പബ്ലിക് സ്‌കൂളില്‍ നടക്കുന്ന സി.ബി.എസ്.ഇ ജില്ലാ കലോല്‍സവത്തിന്റെ വിജയകരമായ നടത്തിപ്പിനായി സ്വാഗതസംഘം രൂപീകരിച്ചു. കോങ്ങാട് എം.എല്‍.എ കെ.വി.വിജയദാസ് മുഖ്യ രക്ഷാധികാരിയായി 111 അംഗ കമ്മിറ്റിയാണ് രൂപം നല്‍കിയത്. സി.ബി.എസ്.ഇ മാനേജ്‌മെന്റെ ് അസോസിയേഷന്‍ ജില്ലാ പ്രസിഡന്റ് മാത്യു വാഴയിലാണ് ചെയര്‍മാന്‍.ജില്ലയിലെ 75 സ്‌കൂളുകളില്‍ നിന്നായി 5000 വിദ്യാര്‍ഥികള്‍ 44 ഇനങ്ങളില്‍ 20 സ്‌റ്റേജുകളിലായി മത്സരിക്കും. സ്വാഗത സംഘം രൂപീകരണയോഗം മണ്ണൂര്‍ ഗ്രാമപഞ്ചായത്ത് പ്രസിഡന്റ് ഒ.വി. സ്വാമിനാഥന്‍ ഉദ്ഘാടനം ചെയ്തു. രാമകൃഷ്ണന്‍ അധ്യക്ഷനായി. മണ്ണൂര്‍ ഗ്രാമപഞ്ചായത്ത് മെമ്പര്‍ കെ. ദിവാകരന്‍, സുഭദ്ര മുരളീധരന്‍, എ. ഉസ്മാന്‍, അബ്ദുല്‍ മജീദ്, കെ. അനീസുദ്ധീന്‍ സംസാരിച്ചു.