ന്യൂഡല്‍ഹി: സി.പി.എം രാഷ്ട്രീയ അടവുനയത്തില്‍ മാറ്റം വരുത്തുമെന്ന സൂചന നല്‍കി സി.പി.എം ജനറല്‍ സെക്രട്ടറി സീതാറാം യെച്ചൂരി. വിശാഖപട്ടണം പാര്‍ട്ടി കോണ്‍ഗ്രസ് സമയത്തെ രാഷ്ട്രീയ സാഹചര്യമല്ല ഇപ്പോഴത്തേത്. മാറിയ രാഷ്ട്രീയ സാഹചര്യങ്ങള്‍ക്ക് അനുസൃതമായ നയം വരും. ഒക്ടോബറില്‍ ചേരുന്ന കേന്ദ്രകമ്മിറ്റിയില്‍ വിഷയം വിശദമായി ചര്‍ച്ച ചെയ്യുമെന്നും യെച്ചൂരി പറഞ്ഞു.

നിലവിലെ രാഷ്ട്രീയ സാഹചര്യത്തില്‍ കോണ്‍ഗ്രസുമായുള്ള ബന്ധത്തില്‍ മാറ്റമുണ്ടായേക്കുമെന്ന സൂചനയാണ് സി.പി.എം ജനറല്‍ സെക്രട്ടറി നല്‍കിയത്. പോളിറ്റ് ബ്യൂറോ യോഗത്തിന് ശേഷം സംസാരിക്കവെയാണ് അടവുനയത്തെ കുറിച്ച് യെച്ചൂരിയുടെ പ്രതികരണം.