റിയാദ്: സഊദി ഭരണാധികാരി സല്‍മാന്‍ ബിന്‍ അബ്ദുല്‍ അസീസ് രാജാവ് അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായി ടെലഫോണ്‍ സംഭാഷണം നടത്തി. അടുത്ത വര്‍ഷം ആദ്യത്തില്‍ സല്‍മാന്‍ രാജാവ് അമേരിക്ക സന്ദര്‍ശിക്കുമെന്നു ഉറപ്പു കൊടുത്തതായി വൈറ്റ് ഹൗസ് പ്രസ്താവനയെ ഉദ്ധരിച്ചു സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.

ബുധനാഴ്ച്ച വൈകിട്ട് നടന്ന ടെലഫോണ്‍ സംഭാഷണത്തില്‍ ഇരു രാജ്യങ്ങളും തമ്മിലുള്ള ബന്ധം ഊട്ടിയുറപ്പിക്കുന്നതും മേഖലയിലെ പ്രശ്‌നങ്ങളും ചര്‍ച്ചയായി. മിഡില്‍ ഈസ്റ്റിലെ പ്രധാന പ്രശ്‌നങ്ങള്‍ ആഴത്തില്‍ ചര്‍ച്ച ചെയ്തതായും എസ്.പി.എ റിപ്പോര്‍ട്ട് ചെയ്തു.