പത്തനംതിട്ട: ആറന്മുള ഉത്രട്ടാതി ജലമേള ഇന്ന് നടക്കും. ഉച്ചയ്ക്ക് 1.30 ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.

രണ്ട് ബാച്ചുകളിലായി 52 പള്ളിയോടങ്ങളാണ് മത്സരിക്കുന്നത്. എ ബാച്ചിലെ 35 പള്ളിയോടങ്ങളും ബി ബാച്ചിലെ 17 പള്ളിയോടങ്ങളും മത്സരത്തില്‍ പങ്കെടുക്കും. ഏറ്റവും കുറഞ്ഞ സമയം കൊണ്ട് ഒരേ താളത്തില്‍ തുഴഞ്ഞെത്തുന്ന ബാച്ചിലെ പള്ളിയോടങ്ങള്‍ ഫൈനലില്‍ മത്സരിക്കും.

ചരിത്ര പ്രസിദ്ധമായ ആറന്മുള പാര്‍ത്ഥസാരഥി ക്ഷേത്രവുമായി ബന്ധപ്പെട്ടുള്ളതാണ് വള്ളംകളി. ക്ഷേത്രത്തിലെ വിഗ്രഹ പ്രതിഷ്ടാദിനമായ ചിങ്ങമാസത്തിലെ ഉത്രട്ടാതി നാളിലാണ് പമ്പാനദിയില്‍ വള്ളംകളി നടക്കുന്നത്.