മലപ്പുറം: മലബാര്‍ ദേവസ്വം ബോര്‍ഡിനു കീഴിലെ ക്ഷേത്രങ്ങള്‍ സര്‍ക്കാര്‍ അധീനതയിലാക്കുന്നതു ഹിന്ദു വിശ്വാസത്തിനു മേലുള്ള കടന്നുകയറ്റമാണെന്ന് ഹിന്ദു ഐക്യവേദി സംസ്ഥാനസെക്രട്ടറി പി.വി.മുരളീധരന്‍ വാര്‍ത്താസമ്മേളനത്തില്‍ ആരോപിച്ചു.
സര്‍ക്കാര്‍ നിയന്ത്രണത്തില്‍നിന്ന് ക്ഷേത്രങ്ങളെ മോചിപ്പിക്കുന്നതിനും രാഷ്ട്രീയക്കാരുടെ കൈകളിലെത്തിക്കുന്ന പദ്ധതികള്‍ക്കെതിരെയും സമരപരിപാടികള്‍ നടത്തും. ഇതിനായി വിവിധ ഹൈന്ദവ സംഘടനകളുമായി കൂടിയാലോചിക്കും.
തിരൂര്‍ ബിബിന്‍ വധക്കേസ് അന്വേഷണ ചുമതലയില്‍നിന്നു ഡിവൈ.എസ്.പി മോഹനചന്ദ്രനെ മാറ്റണമെന്നും അദ്ദേഹം ആവശ്യപ്പെട്ടു.