ഭുവനേശ്വര്‍: ഇന്ത്യന്‍ രാഷ്ട്രീയത്തിലെ ബ്ലൂവെയിലാണ് ബി.ജെ.പി ദേശീയ അധ്യക്ഷന്‍ അമിത് ഷായെന്ന് ബിജുജനതാദള്‍(ബി.ജെ.ഡി). ബ്ലൂവെയില്‍ ഗെയിമില്‍ അകപ്പെടുന്നവര്‍ ആത്മഹത്യയിലാണ് എത്തുന്നത്.
എന്നാല്‍ രാജ്യത്ത് വെറുപ്പിന്റെ രാഷ്ട്രീയം പ്രചരിപ്പിച്ച് ജനങ്ങളെ തമ്മില്‍ അകറ്റുകയാണ് അമിത് ഷാ ചെയ്യുന്നതെന്ന് ബി.ജെ.ഡി നേതാവും മുന്‍ ഒഡിഷ മന്ത്രിയുമായ അരുണ്‍ സാഹു ആരോപിച്ചു. അമിത്ഷാ വെറുപ്പിന്റെ പരിഷ്‌കര്‍ത്താവെന്ന് മുഖ്യമന്ത്രിയും ബി.ജെ.ഡി അധ്യക്ഷനുമായ ബിജു പട്‌നായിക്ക് ആരോപണമുന്നയിച്ചതിനുപിന്നാലെയാണ് അമിത് ഷാ രാഷ്ട്രീയ ബ്ലൂവെയിലാണെന്ന ആരോപണവുമായി മറ്റൊരു നേതാവുകൂടി രംഗത്തെത്തിയത്.
ജനങ്ങളെ തെറ്റായ വഴികളിലൂടെയാണ് ബി.ജെ.പിയും അതിന്റെ അധ്യക്ഷനും നയിക്കുന്നത്. അദ്ദേഹം ഏപ്പോഴും ഉപയോഗിക്കുന്നത് പൈശാചികമായ ഭാഷയാണെന്ന് അരുണ്‍ സാഹു ആരോപിച്ചു.