താമരശ്ശേരി: ബസ്‌കാത്തുനിന്ന സ്ത്രീയുടെ മാലപൊട്ടിച്ച് ബൈക്കിലെത്തിയ സംഘം കടന്നുകളഞ്ഞു. ഇന്നലെ ഉച്ചക്ക് ഒന്നരയോടെ കണ്ണോത്ത് കോടഞ്ചേരി റോഡില്‍ വെള്ളപ്പനാട്ട്പടിയിലാണ് സംഭവം.
ബസ്‌കാത്തു നില്‍ക്കുയായിരുന്ന റിട്ടയേഡ് അധ്യാപികയും മുന്‍ ബ്ലോക്ക് പഞ്ചായത്ത് മെമ്പറുമായ മറിയാമ്മയുടെ നാല് പവന്‍ വരുന്ന മാലയാണ് കവര്‍ന്നത്.
കണ്ണോത്ത് നിന്ന് കോടഞ്ചേരിക്ക് ബൈക്കില്‍ വരുകയായിരുന്ന സംഘം ബസ് കാത്തുനിന്ന മറിയാമ്മയോട് വഴി ചോദിക്കുന്നതിനിടയില്‍ പിന്നിലിരുന്നയാള്‍ മറിയാമ്മയെ അടിക്കുകയും മാല പൊട്ടിച്ച് തിരിച്ച് കണ്ണോത്ത് ഭാഗത്തേക്ക് കടന്നുകളയുകയായിരുന്നു.
മറിയാമ്മ വീട്ടിലെത്തി ഫോണിലൂടെ നാട്ടുകാരെ വിവരമറിയിച്ചെങ്കിലും ഇതിനിടയില്‍ സംഘം രക്ഷപെട്ടിരുന്നു.