കണ്ണൂര്‍: ഫിലിപ്പിന്‍സിലെ മനിലയില്‍ നടന്ന ഏഷ്യന്‍ ബെഞ്ച് പ്രസ്സ് ചാംപ്യന്‍ഷിപ്പില്‍ ഇന്ത്യയെ പ്രതിനിധീകരിച്ച് മെഡല്‍ നേടിയ സി.കെ സദാനന്ദനും ആര്‍ ഭാരത്കുമാറിനും നാളെ സ്വീകരണം നല്‍കും.
ഇന്ത്യയെ പ്രതിനിധീകരിച്ച് 19 പേരാണ് മത്സരിച്ചിരുന്നത്. കണ്ണൂര്‍ സ്വദേശികളായ സി.കെ സദാനന്ദന്‍ സ്വര്‍ണമെഡലും ആര്‍. ഭാരത് കുമാര്‍ വെങ്കലവും കരസ്ഥമാക്കി. നാളെ വൈകുന്നേരം റെയില്‍വേ സ്റ്റേഷനില്‍ എത്തുന്ന ഇരുവര്‍ക്കും കോച്ചായ മോഹര്‍ പീറ്റര്‍ക്കും സ്വീകരണം നല്‍കും. തുടര്‍ന്ന് നോര്‍ത്ത് മലബാര്‍ ചേംബര്‍ ഹാളില്‍ നടക്കുന്ന ചടങ്ങില്‍ ഇവര്‍ക്ക് അനുമോദനം നല്‍കും. ജില്ലാ പവര്‍ ലിഫ്റ്റിങ് അസേസിയേഷന്‍, വൈസ്‌മെന്‍സ് ക്ലബ് കാനന്നൂര്‍ സൗത്ത്, ലയണസ് ക്ലബ് കാനന്നൂര്‍ സെന്‍ട്രല്‍, ജവഹര്‍ സ്റ്റേഡിയം വാക്കേസ് ക്ലബ്, സൂര്യ ഫഌറ്റ് റെസിഡന്‍സ് അസോസിയേഷന്‍ എന്നിവരുടെ ആഭിമുഖ്യത്തിലാണ് പൗരസ്വീകരണവും അനുമോദനവും സംഘടിപ്പിക്കുന്നത്. വാര്‍ത്താസമ്മേളനത്തില്‍ എം.ടി പ്രകാശന്‍, കെ. രാംദാസ്, കെ.കെ പ്രദീപ്, കെ. സജീവന്‍, പ്രജീഷ് അച്ചാണ്ടി, വി. രവീന്ദ്രന്‍ പങ്കെടുത്തു.