കോഴിക്കോട്: ഫാസിസത്തിനെതിരായി കേളുവേട്ടന്‍ പഠന ഗവേഷണ കേന്ദ്രം 16ന് കോഴിക്കോട് ടാഗോര്‍ ഹാളില്‍ സംഘടിപ്പിക്കുന്ന ദേശീയ സെമിനാര്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
ഹിന്ദു രാഷ്ട്രവാദത്തെയും ഫാസിസ്റ്റ് രാഷ്ട്രീയത്തെയും എതിര്‍ക്കുന്നവരെ കൊലപ്പെടുത്തുന്ന സംഘ്പരിവാര്‍ ഭീകരതക്കെതിരായ പ്രതിരോധമാകും സെമിനാറെന്ന് സി.പി.എം കോഴിക്കോട് ജില്ല സെക്രട്ടറി പി. മോഹനും കേളുവേട്ടന്‍ പഠന ഗവേഷണ കേന്ദ്രം ഡയരക്ടര്‍ കെ.ടി കുഞ്ഞിക്കണ്ണനും വാര്‍ത്താസമ്മേളനത്തില്‍ അറിയിച്ചു. നേരത്തെ സെമിനാറില്‍ പങ്കെടുക്കുമെന്ന് അറിയിച്ച നടന്‍ കമല്‍ഹാസന്‍ സെമിനാറിന് എത്താന്‍ പറ്റില്ലെന്ന് അറിയിച്ചിട്ടുണ്ട്. സംഘ്പരിവാര്‍ രാഷ്ട്രീയത്തിനെതിരേ ശക്തമായി നിലപാടെടുക്കുന്നതുകൊണ്ടാണ് കമല്‍ഹാസനെ പരിപാടിയില്‍ അതിഥിയായി പങ്കെടുപ്പിക്കാന്‍ ആഗ്രഹിച്ചത്. ഇതിന് പിന്നില്‍ രാഷ്ട്രീയമില്ലെന്നും കെ.ടി കുഞ്ഞിക്കണ്ണന്‍ പറഞ്ഞു.