മുംബൈ: ഇന്ത്യയുടെ റിഷഭ് ഷായ്ക്ക് പശ്ചിമേഷ്യന്‍ യൂത്ത് ചെസ്സ് ചാംപ്യഷിപ്പില്‍ ഇരട്ട വെങ്കല മെഡല്‍. അണ്ടര്‍ 14 വിഭാഗത്തില്‍ മത്സരിച്ച റിഷഭ് റാപിഡ്, ബ്ലിറ്റ്‌സ് വിഭാഗങ്ങളിലാണ് വെങ്കലം സ്വന്തമാക്കിയത്. ശ്രീലങ്കയില്‍ നടന്ന ചാംപ്യന്‍ഷിപ്പില്‍ റിഷഭ് 1667 എലോ പോയിന്റുകള്‍ നേടി. മൂന്നാം റാങ്കിലുള്ള റിഷഭിന് ഒന്നാ റാങ്കിലുള്ള ബംഗ്ലാദേശ് താരം മുഹമ്മദ് ഫഹദ് റഹ്മാനോട് തോല്‍വി വഴങ്ങിയതാണ് തിരിച്ചടിയായത്. ഏഴില്‍ അഞ്ച് പോയിന്റുകള്‍ നേടിയാണ് താരം മൂന്നാം സ്ഥാനത്തെത്തിയത്. മുഹമ്മദ് ഫഹദ് സ്വര്‍ണവും ശ്രീലങ്കന്‍ താരം തിലകരത്‌നെ വെള്ളിയും നേടി.