വടക്കാഞ്ചേരി: ഗര്‍ഭിണിയായ യുവതിയ്ക്ക് ഡോക്ടറുടെ നിര്‍ദേശ പ്രകാരം വാങ്ങിയ മരുന്നില്‍ നിറയെ പുഴുക്കളും പാറ്റകളും. വടക്കാഞ്ചേരി ജില്ലാ ആശുപത്രി പരിസരത്തെ മരുന്ന് കടയില്‍ നിന്ന് വാങ്ങിയ ഗ്ലോസിന്‍ എഫ് എന്ന മരുന്നിലാണ് പുഴുക്കളെ കണ്ടെത്തിയത്. ഉപയോഗ ശൂന്യമായ മരുന്നുമായി കടയിലെത്തിയപ്പോള്‍ തനിയ്ക്ക് ഈ കാര്യത്തില്‍ ഉത്തരവാദിത്വമില്ലെന്ന് പറഞ്ഞ് മെഡിക്കല്‍ ഷോപ്പുടമ ഒഴിഞ്ഞ് മാറിയതായി ആരോപണമുണ്ട്. ഇതിനെ തുടര്‍ന്ന് വടക്കാഞ്ചേരി സ്വദേശി ഏറ്റിന്‍കര വീട്ടില്‍ ഷിഹാബ് ജില്ലാ പൊലിസ് സൂപ്രണ്ടിന് പരാതി നല്‍കി. മെഡിയ്ക്കല്‍ ഷോപ്പുടമയ്‌ക്കെതിരേയും മരുന്ന് കമ്പനിയ്‌ക്കെതിരേയും ഡ്രഗ്‌സ് ആന്റ് കോസ്മറ്റിക്‌സ് ആക്ട് പ്രകാരം നടപടി സ്വീകരിയ്ക്കണമെന്നാണ് ആവശ്യം.