ഹരിപ്പാട്: മാനിഷാദ കലാ സാംസ്‌കാരിക സമിതിയുടെ 29-ാമത് വാര്‍ഷികവും ഓണാഘോഷവും നടന്നു. ഓണക്കളികള്‍, വിവിധ കലാ കായിക മത്സരങ്ങള്‍ എന്നിവ നടന്നു. തുടര്‍ന്ന് നടന്ന സാംസ്‌കാരിക സമ്മേളനം ജില്ലാ പഞ്ചായത്ത് പ്രതിപക്ഷ നേതാവ് ജോണ്‍ തോമസ് ഉദ്ഘാടനം ചെയ്തു.
മാനിഷാദ പ്രസിഡന്റ് കെ.ഹരി അദ്ധ്യക്ഷനായി. എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികള്‍ക്കുള്ള രത്‌നന്‍സാര്‍ ഫൗണ്ടേഷന്റെ വിദ്യാഭ്യാസ അവാര്‍ഡുകള്‍ ഫൗണ്ടേഷന്‍ ചെയര്‍മാന്‍ ആര്‍.ഹരീഷ് ബാബു വിതരണം ചെയ്തു. വിവിധ മേഖലകളില്‍ കഴിവ് തെളിയിച്ച പ്രതിഭകളെ വിദ്യാരംഗം കലാ സാഹിത്യവേദി ജില്ലാ നിര്‍വാഹക സമിതി അംഗം മനോജ് എരുമക്കാട് ആദരിച്ചു.
മത്സര വിജയികള്‍ക്ക് മുനിസിപ്പല്‍ കൗണ്‍സിലര്‍ നിഷ സമ്മാനങ്ങള്‍ വിതരണം ചെയ്തു. താജുന്നിസ സുബൈര്‍, രാജീവ് ശര്‍മ, എം.ബാലന്‍, ടി.പരമേശ്വരന്‍ എന്നിവര്‍ സംസാരിച്ചു. തുടര്‍ന്ന് നൃത്ത സന്ധ്യ നടന്നു.