കോട്ടയം: കുമരകം പ്രാദേശിക കാര്‍ഷിക ഗവേഷണ കേന്ദ്രത്തില്‍ നിര്‍മിച്ച പുതിയ ഓഫിസ്-ലാബ് കെട്ടിട സമുച്ചയത്തിന്റെ ഉദ്ഘാടനം ഇന്ന് രാവിലെ 11ന് കാര്‍ഷിക വികസന കര്‍ഷക ക്ഷേമ വകുപ്പു മന്ത്രി വി. എസ് സുനില്‍ കുമാര്‍ നിര്‍വഹിക്കും. ചടങ്ങില്‍ അഡ്വ. കെ. സുരേഷ് കുറുപ്പ് എം.എല്‍.എ അധ്യക്ഷനാകും.
കേരള കാര്‍ഷിക സര്‍വകലാശാല വൈസ് ചാന്‍സലര്‍ പ്രൊഫ. പി. രാജേന്ദ്രന്‍ ആമുഖ പ്രഭാഷണം നടത്തും. ജോസ്. കെ. മാണി എം.പി കുട്ടനാട് പാക്കേജ് പദ്ധതി റിപ്പോര്‍ട്ടുകള്‍ പ്രകാശനം ചെയ്യും. സി. കെ ആശ എം.എല്‍.എ കാര്‍ഷിക എന്‍ജിനീയറിങ് ഗവേഷണ ലാബ് ഉദ്ഘാടനം ചെയ്യും. അഡ്വ. കെ. രാജന്‍ എം.എല്‍.എ വില്പന കേന്ദ്രം ഉദ്ഘാടനം ചെയ്യും.
കീടനാശിനി അവശിഷ്ട വിഷാംശ പരിശോധന ലാബിന്റെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വഹിക്കും. ജില്ലാ പഞ്ചായത്ത് പ്രസിഡന്റ് സഖറിയാസ് കുതിരവേലി ഗവേഷണ ലഘുലേഖകള്‍ പ്രകാശനം ചെയ്യും. കാര്‍ഷികോത്പാദന കമ്മീഷണര്‍ ടിക്കാറാം മീണ സംയേജിത കൃഷി സമ്പ്രദായം -സര്‍ട്ടിഫിക്കറ്റ് കോഴ്‌സ് ഉദ്ഘാടനം ചെയ്യും. കലക്ടര്‍ ഡോ. ബി.എസ് തിരുമേനി പ്രത്യേക പ്രഭാഷണം നടത്തും.
ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്റ് പി. വി മൈക്കിള്‍, ജില്ലാ പഞ്ചായത്തംഗം ജയേഷ് മോഹന്‍, ഗ്രാമ-ബ്ലോക്ക് പഞ്ചായത്ത് പ്രതിനിധികള്‍, കേരള കാര്‍ഷിക സര്‍വ്വകലാശാല ജനറല്‍ കൗണ്‍സില്‍ അംഗങ്ങള്‍ തുടങ്ങിയവര്‍ സംസാരിക്കും.