കൊച്ചി: ഹോം സോള്‍ തെയ്യമ്പാട്ടില്‍ വൈവിധ്യമാര്‍ന്ന ലൈഫ്‌സ്റ്റൈലുകള്‍ക്കായി എല്ലാവിധ ഫര്‍ണ്ണിച്ചറും അണിനിരത്തുന്ന, സൗത്ത് ഇന്ത്യയിലെ ഏറ്റവും വലിയ ഫര്‍ണ്ണിച്ചര്‍ മാള്‍ പത്തടിപ്പാലം ഇടപ്പള്ളിയില്‍ തദ്ദേശ സ്വയംഭരണ വകുപ്പ് മന്ത്രി കെ.ടി ജലീലും, പി. കെ. കുഞ്ഞാലിക്കുട്ടി എം.പിയും സംയുക്തമായി ഉദ്ഘാടനം ചെയ്തു. എം.എല്‍.എമാരായ ഹൈബി ഈഡന്‍, ടി.എ അഹമ്മദ് കബീര്‍, വി.ഡി സതീശന്‍, മുനിസിപ്പല്‍ ചെയര്‍പേഴ്‌സണ്‍ ജെസ്സി പീറ്റര്‍, മുന്‍ എം.എല്‍.എമാരായ അബ്ദുള്‍ റഹ്മാന്‍ രണ്ടത്താണി, ബെന്നി ബെഹനാന്‍, വി.എ സക്കീര്‍ ഹുസൈന്‍, ബിസിനസ് പ്രമുഖരായ ബാബു സേട്ട്, കള്ളിയത്ത് നൂര്‍ഷാ എന്നിവര്‍ ഉദ്ഘാടന ചടങ്ങില്‍ പങ്കെടുത്തു. തെയ്യമ്പാട്ടില്‍ ഗ്രൂപ്പ് ചെയര്‍മാന്‍ ഷറഫുദ്ദീന്‍ തെയ്യമ്പാട്ടില്‍, ഡയറക്ടര്‍മാരായ ഷാനിബ് ഷറഫുദ്ദീന്‍, സെയ്ത് മൊഹമ്മദ്, സി.പി അബ്ദുള്‍ റഹ്മാന്‍, കെ.എം കോയാമു, എന്നിവരും സന്നിഹിതരായിരുന്നു.
ഹോം സോള്‍ തെയ്യമ്പാട്ടിലിന്റെ ഒപുലെന്‍സയുടെ ഉദ്ഘാടനം മുന്‍ മുഖ്യമന്ത്രി ഉമ്മന്‍ ചാണ്ടിയും, എന്‍ഹാന്‍സിന്റെ ഉദ്ഘാടനം ഹൈബി ഈഡന്‍ എം.എല്‍.എയും, ക്രിയേറ്ററിന്റെ ഉദ്ഘാടനം എ.ഐ.എ കൊച്ചിന്‍ സെന്റര്‍ ചെയര്‍മാന്‍ വി.എന്‍ രാമചന്ദ്രനും നിര്‍വ്വഹിച്ചു. ഉമ്മന്‍ ചാണ്ടി ആദ്യ വില്‍പന നിര്‍വ്വഹിച്ചു.
ഹോംസോള്‍ ഉദ്ഘാടനം പ്രമാണിച്ച് ആകര്‍ഷകമായ ഓഫറുകളുമുണ്ട്. ആദ്യ 1000 കസ്റ്റമേഴ്‌സിന് പര്‍ചേസുകള്‍ക്കനുസൃതമായി 3.74 ലക്ഷം രൂപ വരെ ക്യാഷ് വൗച്ചര്‍ ലഭിക്കും. കൂടാതെ ഒപുലെന്‍സയില്‍ നിന്നും 3 ലക്ഷം രൂപയ്ക്ക് മുകളിലുള്ള പര്‍ചേസുകള്‍ക്ക് 44000 രൂപ വില വരുന്ന സ്റ്റാന്‍ലി ലേസി ബോയ് റിക്ലൈനര്‍ സൗജന്യമായി ലഭിക്കും. ഹോം വേള്‍ഡില്‍ നിന്നും 2 ലക്ഷം രൂപയ്ക്ക് മുകളിലുള്ള പര്‍ചേസുകള്‍ക്ക് 30000 രൂപ ക്യാഷ് ബാക്ക് ഓഫറുമുണ്ട്.